Slæm töp

HEF mótið fór ekki vel hjá okkur, og við þurftum að þola 3 stór töp og misstum unnin leik niður í jafntefli gegn Leikni.  Í fyrsta leiknum gegn Hetti áttum við aldrei séns, en Höttur var með langbesta liðið á mótinu og vann alla leiki sína stórt nema leik sinn gegn Huginn.  Hópur okkar í þessum leik var mjög þunnur og mikið um forföll og leikurinn endaði 10-0 héraðsmönnum í vil.

Annar leikurinn var gegn Leikni Fásk en þeir höfðu styrkt lið sitt með nokkrum leikmönnum frá Neista  og löndum fyrrum Júgóslavíu.  Við yfir spiluðum Búðamenn í fyrri hálfleik og framan af seinni hálfleik og leiddum 3-0 þegar hálftími var eftir.  Þá hættum við alveg og Leiknismenn nýttu tækifærið og jöfnuðu leikinn nánast með flautumarki.

Þriðji leikurinn okkar var gegn Spyrni frá Egilsstöðum/Fellabæ en þeir telfdu aðallega fram 2.flokks leikmönnum í bland við gamla refi frá Hetti.  Á pappírnum var okkar lið afar sterkt í þessum leik en úrslitin ekki í samræmi við það.  Við vorum sterkari í fyrri hálfleik en gáfum Héraðsmönnum 3 ódýr mörk í fyrri hálfleik auk þess að eitt lyktaði af rangstöðu.  Ævar og Pétur náðu þó að skora fyrir okkur.  Í seinni hálfleik tóku Spyrnismenn öll völd eftir að hafa bætt 5ta markinu við, 6. markið fylgdi svo fljótlega í kjölfarið og 7. markið kom úr vítaspyrnu.  Áttunda markið var svo það allra flottasta en það var sjálfsmark okkar manna eftir samskiptaleysi milli varnar og markmanns.

Lið okkar í þessum leik:

                       Óli

Sævar    Ingvar    Sigurvin    Símon

 

Ísak        Jói        Viktor        Stefán

 

                Pétur    Ævar

 

Bekkur:    Einar, Palli, Gummi, Reynir, Jón og komu allir við sögu 

 

Síðasti leikurinn fór svo fram í gær í nístingskulda á Fellavelli gegn liði Hugins Seyðisfyrði

Hópur okkar var þunnskipaður í þessum leik, og neyddist Óli formaður til að spila meiddur í markinu.

Liðið í gær

                            Óli

Gummi    Kjartan B    Ingvar     Konni

                         Brimir

 Jón        Ísak           Jói            Baldur

 

                          Ævar

 

Á bekknum voru Palli og Biggi sem var á láni frá Huginn Fellum

 

Jafnræði var með liðunum í fyrri hálfleik.  Huginsmenn komust yfir með góðu skoti og bættu forskotið eftir hornspyrnu.  Konni náði svo minnka muninn fyrir okkur eftir fyrirgjöf frá Jóa en Huginsmenn komust í 3-1 aftur eftir skot utan af velli.  Það sem eftir leið fyrri hálfleiks sóttum við meira, Ingvar átti góðan skalla eftir hornspyrnu, Ævar stal boltanum af Hafcent Seyðfirðinga og komst einn í gegn en markmaðurinn sá við honum og á lokasekúndum hálfleiksins fór fast skot Baldurs rétt utan við stöngina.  Í seinni hálfleiknum hrundi leikur okkar, við spiluðum á móti vindi og fórum illa útúr stungusendingum Huginsmanna.  Við áttum þó nokkur færi en nýttum þau ekki.  Staðreyndin 10-1 eða 11-1 tap, óþarflega stór úrslit miðað við leikinn og ljóst að við eigum að geta betur.

 En við enduðum í neðsta sæti á mótinu með aðeins 1 stig úr 4 leikjum.  Ég við þó nota tækifærði og þakka Spyrnismönnum fyrir stórskemmtilegt mót sem vonandi verður að árlegum viðburð, og vonandi verða þá úrslitin skaplegri fyrir okkur!

 

Athugasemdir

[ASDFGHJ (IP-tala skráð) 28.3.2008 kl. 18:20]

Egilsstaðarbúar fá hrós skilið fyrir að halda þetta skemmtilega mót.En það er skrýtið að Reyðfirðingar geti ekki haldið svona mót samt eiga þeir heila knattspyrnuhöll

[Hinkrik (IP-tala skráð) 1.4.2008 kl. 20:50]

Hvaða anskotans aumingjaskapur er það að hætta þáttöku???

[Hæ (IP-tala skráð) 1.4.2008 kl. 20:51]

Afhverju eruð þið hættir við að spila í 3.deildinni í sumar.

[Kjartan Bragi (IP-tala skráð) 3.4.2008 kl. 17:53]

Vıd hofdum eınfaldlega ekkı naegan mannskap i sumar. verdum ı utandeildinni i sumar og visa bıkarnum. vonandi verdum vid med i 3.deild ad ari. i sidasta lagi 2010

kv fra Tyrklandi!!!

[Blessaður (IP-tala skráð) 3.4.2008 kl. 22:13]

Afhverju erud þid þá med mannskap í utandeildinni og Visa bikarnum

[Jóhann B (IP-tala skráð) 4.4.2008 kl. 20:28]

Það er auðvitað mjög stór munur á 3.deild og utandeildini og ekki hægt að bera þær saman

[Kjartan Bragı (IP-tala skráð) 4.4.2008 kl. 20:51]

Nakvaemlega!!!

[Blessaður (IP-tala skráð) 6.4.2008 kl. 20:00]

Hvað skiptir það máli þeir geta samt ná í lið í 3.deilinni ef þeir ná því í visa bikarnum

[Blessaður (IP-tala skráð) 7.4.2008 kl. 19:14]

það er mikill munur á þátttöku í visa + utandeild heldur en 3.deild.... þar sem til að taka þátt í 3.deild þarf liðið að æfa reglulega saman og vera í mun betra formi en í utandeildinni... og það er oft þannig með utandeildarlið að leikmenn þeirra hafa oft ekki tíma eða metnað til að æfa jafn oft og til þarf..... þetta er ósköp einfalt

[Lexi (IP-tala skráð) 11.4.2008 kl. 09:54]

ég get nú alveg fullvissaði þig um það að flestir þessara drengja hafa metnaðinn í það að mæta á æfingar og fara í 3 deildina, en það er bara ekki nægur mannskapur sem hefur hann, við erum 6-7 leikmenn sem sýnum almennilegann metnað í það, en það er einfaldlega ekki nóg!.. og það er mun auðveldara að fá menn í leik í utandeildina, en ég veit ekki með Visa Bikarinn, það gæti orðið eitthvað vandamál, hef einga reynslu með það þannig ég ætla ekkert að tjá mig um það mál!

[Kjartan Bragi (IP-tala skráð) 11.4.2008 kl. 13:20]

Hárrétt Lexi, metnaðinn skorti hjá of mörgum, einnig voru önnur lið dugleg að plokka leikmenn af okkur.  Þetta hljómar kannski aumingjalega hjá okkur en sannleikurinn var sá að lítill klúbbur eins og okkar með veltu uppá hundraðþúsundkalla mátti sín lítið á móti milljónaklúbbunum.  Þetta er eitthvað sem við þurfum að vera vakandi fyrir á næsta ári.

[Fan (IP-tala skráð) 12.4.2008 kl. 18:05]

Hvaða lið voru það?

[Kjartan Bragi (IP-tala skráð) 13.4.2008 kl. 20:53]

Andstæðingar okkar í riðlinum 

[Sindri (IP-tala skráð) 15.4.2008 kl. 11:46]

Varla öll hin 5 liðin?